Abstract
Umculo kaKhansela awuzona izingoma ezijwayelekile kodwa uyizingoma ezixoxa indaba elandelekayo njengendaba emfushane, umdlalo onkundlanye noma onkundlaningi okukanye inoveli. Inhloso enkulu yalesi sahluko wukuveza ubuciko bokuxoxa indaba obutholakala ezingomeni zomculo kamaskandi, ngokubhekisa emculweni kaKhansela noJBC. Indaba kaMajazi ibhalwa iphinde ixoxwe nguye uKhansela. Umlingiswa onguMajazi waduma kakhulu futhi namanje osadumile kubalandeli nakubathandi bomculo kamaskandi. Indaba yokushaywa kwakhe wunkosikazi yaziwa kakhulu ngabalandeli. Masisho ukuthi kuyinto engajwayelekile ukuthi ingoma ixoxe indaba elandelekayo futhi enabalingiswa. Yingakho lesi sahluko sigxila ekuhlaziyeni ubuciko bukaKhansela bokuxoxa indaba emculweni. Kubaculi bakamaskandi cishe nguye yedwa oxoxa indaba enabalingiswa abangaphezu kwabathathu abavezwa benza baphinde bakhulume. Lokhu kuvezwa wubuchule bomculi lapho eguquguqula izwi, ebonisa ukwehlukana kwamazwi abalingiswa asixoxela ngabo. Lokhu kufana ncimishi nobuciko bezinganekwane lapho umxoxi wazo eguquguqula izwi ukukhombisa abalingiswa abehlukene benganekwane (Masondo 1997; Hofmeyr 1994).
| Original language | English |
|---|---|
| Title of host publication | Trends and Tropes |
| Subtitle of host publication | Some Aspects of African Indigenous Literatures of South Africa |
| Publisher | Taylor and Francis |
| Pages | 130-154 |
| Number of pages | 25 |
| ISBN (Electronic) | 9781040037461 |
| ISBN (Print) | 9781032760551 |
| DOIs | |
| Publication status | Published - 1 Jan 2024 |
ASJC Scopus subject areas
- General Arts and Humanities
- General Social Sciences
- General Earth and Planetary Sciences